Рибата и морската храна се меѓу најздравите извори на протеини и есенцијални нутриенти, кои имаат директно влијание на нашето здравје и телесна функција. Редовната конзумација на риба, како дел од балансирана исхрана, го поддржува кардиоваскуларен систем, мозочната функција, имунитетот и многу други витални процеси во телото.
Колку често да јадеме риба?
Според одредени нутриционистички податоци, оптимално е рибата или морската храна да се консумираат два до три пати неделно. Ова обезбедува доволно омега-3 масни киселини и протеини, без ризик од внесување во организмот на состојки кои ги содржат одредени видови на риба, како жива или други тешки метали.
Инаку рибата е богат извор на висококвалитетни протеини, омега-3 масни киселини (EPA и DHA), витамин D, витамин B12, јод, селен и минерали како цинк и магнезиум. Омега-3 масните киселини се клучни за срцето, мозокот и смирување на воспалителните процеси во телото. Витаминот D и јодот помагаат во здравјето на коските и правилната функција на тироидната жлезда, додека протеините поддржуваат мускулна маса и регенерација.
Во однос на здравствените придобивки од редовното внесување на риба, непобитен факт е дека таа помага во следното:
– Во намалување на ризикот од срцеви заболувања
– Во подобрување на мозочната функција и меморијата
– Во регулирање на воспалителните процеси
– Во поддршка на здравјето на очите и видот
– Во одржување на здрав имунитет.
Но, секогаш постои дилемата дали може да се претера со конзумација на риба?
Како и со секоја храна, така и кога претерано се конзумира риба, може да носи ризици, особено од видови кои содржат високо ниво на жива (на пример, големи риби како сабјарка или туна). Сепак, умерената конзумација од 2 до 3 пати неделно е безбедна и препорачана.
Риба во процес на слабеење или зголемување на тежина
Рибата и морската храна се идеални како извор на протеини и здрави масти за време на процесот на слабеење но и кога се работи за зголемување на тежината. Во процес на слабеење, протеинот од рибата обезбедува ситост и висока нутритивна вредност но со релативно малку калории. При зголемување на тежината, истите нутриенти помагаат во изградба на мускулна маса и здрав метаболизам, без внесување на штетни транс масти или празни калории.
Нации кои најмногу конзумираат риба
Јапонија е светски позната по високата потрошувачка на риба и морска храна. Јапонците конзумираат риба скоро секој ден, што се поврзува со нивниот долг животен век и ниска стапка на срцеви заболувања. Но и други нации, како Норвешка и Исланд, исто така имаат традиција на висока потрошувачка на риба и морски плодови. И кај нив се евидентни податоци за ниска стапка на срцеви заболувања, долг животен век, намален ризик од воспалителни болести, силен имунитет, скоро и да немаат остеопороза и други заболувања на коските и забележана е подобра мозочна функција при некои направени испитувања.
Што може да се заклучи?
Рибата и морската храна се незаменлива придобивка во нашата исхрана. Тие обезбедуваат есенцијални нутриенти кои го поддржуваат здравјето на срцето, мозокот, мускулите и целиот организам. Со умерена и редовна конзумација, овие намирници се совршен избор за сите – без разлика дали целиме на слабеење, одржување на тежината или градење мускулна маса.
