Водата е клучна за одржување на здравјето, слабеење и оптималната телесна тежина. Придобивки од пиење вода се многубројни. Пиењето доволно вода е еден од најефикасните начини за природно потиснување на апетитот и помагање во процесот на слабеење. Дневната препорака за внес на вода е околу 2 литри (или осум чаши по 250 мл). Но ова количество може да варира во зависност од индивидуалната телесна тежина и ниво на физичка активност. Правилно е да испиеме 1 литар вода за секои 25 кг. телесна тежина, или поделете ја својата тежина со 25 и ќе добиете колку литра вода минимум треба да испиете. Под вода подразбираме чиста вода или незасладени чаеви.

Важноста на водата за здравјето

Водата е основен катализатор во многу телесни функции. Таа го регулира варењето, ја подобрува апсорпцијата на нутриенти, и го поддржува метаболизмот. Дури и малата дехидратација може да го забави метаболизмот и да влијае на вашиот капацитет за согорување калории. Пиењето ладна вода, според некои истражувања, може да го забрза согорувањето на калориите, бидејќи телото троши енергија за да ја загрее водата до телесна температура.

Водата и задржувањето на течности

Задржувањето на течности е чест проблем кој се јавува како резултат на прекумерен внес на сол во исхраната. Преработената храна, особено конзервираните производи, содржат високи нивоа на натриум кој ја поттикнува потребата за вода за да се изврши детоксикација. Со зголемување на внесот на вода, телото ефективно се ослободува од вишокот сол и спречува надуеност.

Хидратација и мускулна маса

За одржување на мускулната маса, особено за време на диети или интензивни тренинзи, водата е неопходна за синтеза на гликоген – складираната форма на енергија во мускулите. Без соодветна хидратација, формирањето на гликоген и одржувањето на мускулната маса може да биде значително отежнато.

Вода и детоксикација

Водата помага и во елиминирање на токсините кои се ослободуваат за време на губењето на тежината. Телото складира многу од овие токсини во масните клетки, и со нивното ослободување, водата игра клучна улога во нивното излачување од системот.

Совети за оптимален внес на вода

1. Редовно пиење вода: Пијте по малку, но често во текот на денот.
2. Минимум количина: Правилно е да испиеме 1 литар вода за секои 25 кг. телесна тежина. Поделете ја својата тежина со 25 и ќе добиете колку литра вода минимум треба да испиете.
3. Користете сламка: Ова помага да не внесувате вишок воздух што може да предизвика надуеност.
4. Избегнувајте прекумерна сол: Ова помага во спречување на задржување на вода.
5. Носете вода со себе: Без разлика каде се движите, секогаш носете шише со вода.
6. Следете го вашето тело: Честите одења во тоалет се знак дека внесувате доволно вода.
7. Вкус на водата: Доколку не можете да ја пиете водата чиста, додајте алоја или чај. Така ќе си подобрите вкус, внес на вода и други бенефити кои алојата и чајот ќе ви ги овозможат.

Водата е неопходна не само за хидратација, туку и за многу витални функции во телото. Осигурете се дека пиете доволно вода секој ден за да го поддржите вашиот метаболизам, да ги задржите мускулите и да го поддржите здравото губење на тежината.

Извор: Паноптикум