Диета: количина или калории

Нашата практична работа со „диета прилагодена на личната цел – потребата“ постојано не уверува во праксата која ние ја нарековме „Сега ќе видиш ти!“ или нашироко „Сега ќе гладувам, нема да јадам многу, нема да вечерам, и ќе издржам. Морам да ослабам.“

Работите се едноставни кога ќе се разберат не само на интелектуално ниво, туку вистински, како што се. Или поинаку речено, на ниво на секојдневно практицирање. Правиме само она што сме го прифатиле, а не разбрале, и притоа го повторуваме. Наједноставно: тоа што го правиме секој ден.

Клучната игра се калориите

Главната навика е во тренингот на комбинација на храна според калории и хранлив состав. Да, комплицирано е на прв поглед, бидејќи веднаш пред очи ни излегуваат сите можни видени маки на наши пријатели, интернет портали и други фотки, табели со калории, нутриенти итн. Но мислам на тренинг за око, а не за математика и експертиза за нутриционизам базирана на академско образование, кое најчесто за неколку години испарува бидејќи истражувањата и новитетите доаѓаат брзо. Да, клучната игра се калориите. Калориите се првиот чекор во навикнување на начинот на исхраната кој ни е потребен, за својата конституција.

И кога велам калории мислам на енергија која треба да ја внесеме во резервоарот за дневната потреба. Нашето тело троши енергија на дневно ниво. Вишокот на внесена енергија (читај храна или калории), на крајот на денот, кога ќе си заспиеме, нашето тело го претвора во поткожни масти или сало. И токму затоа ние преферираме нашите клиенти да ги научиме погледот да измери калории за на почеток од промена на навиките во исхраната нашиот клиент да се „откачи“ од мозгањето и обвинувањето дека изел премногу храна денес.

Премногу храна значи премногу внесени калории ? Не секогаш. И малку количина може да се многу калории.

Да, знаеме, ако многу јадеме, се дебелееме. Но, дали е токму така? Не е.
Еве пример: дали можете да изедете 3 патлиџани во еден оброк ? И да ги изедете, колку калории се ? Не повеќе од 100. 3 патлиџани тежат 300-400 г. (нормални де, не јабучари). А како ќе одговорите на прашањево: би можеле да изедете 3 чоколади од по 100 гр. ? Ок, еве вие не можете, ама знаете барем 1 кој може. 3 чоколади се најмалку 1000 калории.

Токму заради ова, една од нашите цели е да ги навикнеме нашите клиенти со око да „измерат“ колку калории во која количина на храна ќе внесат. Бидејќи тежиме колку што ќе внесеме и потрошиме калории во еден ден.

Да, разликата ја прават навиките во само еден ден. Во еден ден ни требаат минимум и оптимум калории (BMI / AMI). И резултатот на играта е познат: или нормална телесна композиција, или преголема тежина т.е. дебелина, или премала тежина т.е. неухранетост.

Ти треба диета? Не, ти треба навика да јадеш колку што ти треба а притоа да најаден/а со нормална енергија потребна за твојот ден.

Дознај повеќе за твоите оптимални потреби и искористи не за да ти помогнеме да ги стекнеш новите поздрави и поправилни навики во исхраната. Продолжи понатаму.

ОСЛАБИ ЛЕСНО, СО ЈАДЕЊЕ БЕЗ ГЛАДУВАЊЕ !