Калории

Од неодамна сведоци сме на експанзија на типизирани продавници за кафе, насекаде во светот. Кофеинот сам по себе, не претставува опасност по здравјето на човекот. Проблемот е најчесто во различната количина на шеќер која се додава во ваквите пијалоци.

Вториот проблем е се поголемото присуство на најразлични типови на енергетски пијалоци, кои се преполни со огромни количества на кофеин, засладувачи и со малку нутриенти.

Маркетингот во последно време е насочен кон здравјето и виталноста на човекот, но најголемиот број на енергетски пијалоци не содржат нутриенти. Главно имаат функција на стимуланти, дејство кое го предизвикуваат кофеинот и шеќерот.

Калориите во моментов се најголем проблем и ќе продолжат да бидат, се додека самите не станеме свесни за тоа што е добро за нас, а што не е.

Затоа запомнете: предоминантен проблем во оваа пандемија на гојазност и преголема телесна тежина се КАЛОРИИТЕ.

Иако еден просечен конзумент не знае кои се неговите дневни калориски потреби, важно е да се превземат некои едноставни чекори, за да се зголеми свесноста на луѓето за овој проблем.

КОНТРОЛА НА КАЛОРИИТЕ

Контрола на внесените калории на дневна база, е еден од најголемите проблеми со кој сите се соочуваме. Но, се додека не почнеме да ги броиме калориите кои ги внесуваме во текот на денот, проблемот ќе биде од огромни размери, пред ситуацијата да се подобри.

Постојат многу различни кампањи поврзани со здравјето на луѓето, за да се подигне нивната свесност. Но, за жал од некои причини, и покрај постоењето на ваквите кампањи, процентот на гојазни луѓе е се поголем секој ден. Компаниите кои се финансиски помоќни, секогаш ќе бидат на врвот на кривата и ќе можат да заработуваат од различните трендови. Наскоро ќе објавиме и статистика за Македонија.Запрепастувачки е што се случува секојдневно кај сите нас.

Информацијата за тоа колку калории содржи едно јадење, или тип на храна, или продукт, е информација која секогаш може да биде од помош. Многу fast-food брендови, пробуваат да ја зголемат свесноста на луѓето за она што го јадат со ставање на количината на калории која се содржи во храната која ја продаваат, во самото мени. Ова е навистина вистински чекор во вистинска насока. Се надеваме дека броењето на калориите ќе го подигне нивото на свесноста на луѓето за исхраната. Предизвикот е токму во можнста да се разбере што е соодветно.

Еден бургер може да содржи и до 2 пати повеќе калории од вкупниот дневен внес на калории потребен за човекот

Пошироката јавност има многу малку разбирање за тоа што значат 1000 калории за еден чизбургер или 700 калории за cafe latte. Постои голем процент на неукост во оваа област, како кај докторите, така и кај нивните пациенти.

Луѓето секојдневно конзумираат преголеми количини на калории, без да ги знаат своите лични калориски потреби. Затоа е многу важно да се почне со некои едноставни чекори. На сите им треба едноставен пристап, за да разберат што е добро за нивниот режим на исхрана. Ваквиот пристап секогаш треба да тргне од тоа, да секој конзумент ги разбере прво своите лични потреби.


Но речиси секој од нас мака мачи да разбере што е добро а што не, што колку калории содржи, од што е составено. Со цел да си овозможи правилна исхрана во право време за својата топ форма.

Токму затоа нашиот тим стартуваше нов проект – Школа за исхрана. Преку едукација Ви помагаме здравиот и правилен начин на исхрана да Ви стане секодјненвна навика, без откажување, гладување, мачење, грчење, и секојдневното финансиско оптеретување.

Дознај повеќе за овој наш проект – Школа за исхрана – пиши ни на чат или на емаил на оваа адреса [email protected].

Related posts