Едно од прашањата кои не мачат и од кои глава не боли секој ден е „Што за појадок денес ?“ И уште едно, можеби ова е побитно од претходното „Кој е најдобриот појадок за да ослабам?“
Ајде поинаку да се прашаме, „Треба ли да јадам наутро, претпладне?“; „Правилно ли е да јадам…“ итн. Но, првото и основно прашање е „Кој оброк во денот е појадок ?“
Ние би можеле да пренесеме уште стотици прашања кои ги добиваме секојдневно од нашите клиенти, во повеќето од нив сигурно ќе се пронајдеш. Но, сите прашања во себе кријат едно основно прашање: „Дали знаеме кој оброк во денот е појадок?“. Да, да. Ова е клучното прашање. Ќе почнеме со одговорот на ова прашање во нашиот серијал за „Важноста на појадокот“.
А ова е одговорот на „Дали знаеме кој оброк во денот е појадок?“ кој редовно го добиваме кога ќе го поставиме ова толку едноставно прашање: „Првото нешто што го јадам секој ден“. Да, одговорот е точен, но не е комплетен.
Кој е твојот одговор на прашањето „Кој оброк во денот е појадок“?
